Settle the debt with you!

உன்னோடு கடன் தீர்க்க!

என்னை நம்புக என்பதுமில்லை

என்னைப் பற்றுக என்பதுமில்லை

என்னைத் துதித்துப் போற்றுமில்லை

என்னைத் நிந்திதால் கவலையுமில்லை!

உன்னை தனியாக நினைப்பதுவரை

உன்னில் என்னை காணமுடிவதில்லை

காணும் பொருளில் சிதைத்துமுடிவில்

அணுவில் இருளாய் இருப்பேனெனில்

உன்னிலும் இருந்தே கடன்தீர்ப்பேனே!

விளக்கம்:

இறை உண்மை என்பதை இந்த உலகில் காணும் பொழுது, இறைவனை மனிதன் போல மாற்றி, ஆணாக, பெண்ணாக வாழ்ந்ததாக, மறைந்ததாக, காட்சியளித்ததாக, வரம் அளித்ததாக, மீண்டும் வருவேன் என்ற “உண்மை மறைத்த கட்டுக்கதைகள்” நிறைய உண்டு. 

இறை இருக்கிறது என்பதில் ஐயமில்லை. ஆனால் அந்த இறை, என்னை நம்பு என்று நம்மிடம் கேட்டுக் கொண்டதுண்டா? என்னை பற்றிக்கொள் என்று சொன்னதுண்டா? தினமும் போற்றி, துதி பாடு என்று மகிழ்ந்ததுண்டா? கடவுள் இல்லை என்பவரையும் கண்டுகொண்டதுண்டா? 

ஒரு பொருளை சிதைத்துக் கொண்டே வந்தால் அணுவாகும். அதனையும் சித்தைத்தால் இருப்பது என்ன? அணு விஞ்ஞானிகள் இன்னும் தேடிக் கொண்டிருக்கிறார்கள். அணுக்குள்ளும், தனக்குள்ளும் இறையை உணர்ந்த சித்தர்கள், அந்த உண்மையை உலகுக்கு தந்தார்கள். அதை நாம் ஏற்றுக்கொள்ளவில்லை. அல்லது பிறரால் “அதுவேண்டாம்” என்று தவிர்க்கப் பட்டது.

எற்றுக் கொண்டாலும், ஏற்றுக் கொள்ளாவிட்டாலும் நம்மோடு இருந்து, நம் வினை தீர்க்க, இயற்கையாகவே நம் பிறப்பு முடிவில்லாது நீளும் என்ற “இறை உண்மையை” இறையே சொல்லுவதாக இந்தக்கவி பிறந்திருக்கிறது.

வாழ்க வளமுடன்.

-----

Present by: