There's a way to solve it!

 தீர்த்திட வழி உண்டே!

உன்விருப்பம் பிறரால் நிகழ்ந்தது

குழந்தையாக நீபிறந்து வளர்கையில்,

உனக்காக உன்இன்பம் மேற்கொண்டு

தன்துன்பம் ஏற்றார் உன்பெற்றோர்.

காலம்மாறிட வளர்ந்தாய் இளைஞராய்,

உனைப்போல் விருப்பமும் வளர்ந்தது.

ஆசைப்பட்ட எல்லாமே பெற்றிடவும்,

பிறரோடு தனைஒப்பிட்டும் பார்த்தாய்.

சிக்கினாய் சிக்கலில் சிதறிப்போனாய்!

தீர்த்திடவழி தேடாது விலகிஓடுகிறாய்!

விளக்கம்:

பிறந்த குழந்தைக்கு ஆசை எழுமா? பசியும், உடல் வேதனையும், தூக்கமும் மட்டுமே தேவையாக இருக்கும். ஆனாலும் வளரும் பருவத்தில், பிறரைப்பார்த்து, அதேபோல தானும் அனுபவிக்க ஆசைப்படும். பெற்றோர் எத்தகைய வசதி படைத்தவராயினும், குழந்தையின் ஆசையை நிறைவேற்றுவார்கள். இதில் துன்பம் நேர்ந்தால் அது குழந்தையைப் பாதிக்காது.

அக்குழந்தை வளர்ந்து, பருவ வயது நிறைந்தபின் பலவகை ஆசைகளில் ஆர்வம் கொள்வார். அந்த ஆசைகளை, ஓவ்வொன்றாக அடைய துடிக்கும். பிறரைப்பார்த்து தன்னை ஒப்பிட்டு, அவரைவிட மேலாகவும் இன்பம் பெற ஆசை கொள்வார்.

ஆனால், தன் குடும்ப சூழ்நிலை, தகுதி, வயது, காலம் ஆகிய இவற்றை கவனிப்பதில்லை, அக்கறை கொள்வதில்லை. இதனால் தன் தகுதிக்கு மீறை ஆசை வயப்பட்டு, இன்பத்திற்காக பல வகைகளில் சிக்கி, மனவருத்தம் பெற்று வாழ்வின் இனிமையை கெடுத்துக் கொள்வார்கள். 

அத்துன்பத்தை நீக்குவதற்கு வழி சொன்னாலும் ஏற்றுக்கொள்ளாமல், தப்பிக்கலாம் என்றே, மது, புகை, போதை போன்ற தவறான வழிகளில் செல்வார்கள். இத்தகைய சூழலில் யோகம் ஒன்றே முழுமையான தீர்வு தரும் என்று இந்தக்கவிதை விளக்குகிறது. 

வாழ்க வளமுடன்.

-----

Present by:

Thanks to Image by: aviaryrecoverycenter