Have you know this Magician

இந்த மந்திரவாதியை தெரியுமா?!

இறையுணர்ந்து உண்மை தெளிந்தேன் என்றால்

மந்திரத்தால் மாங்காய் விளையுமா என்பார்!

ஏற்கனவே மந்திரத்தால்தான் விளையுது பாரீர்

புதிதாக ஒன்றும்செய்ய தேவையில்லை அன்பரீர்!

விதைக்குள் விருட்ஷம் அடங்கியது கண்டீரோ?

அறிந்தேன் என்அகத்தவத்தால் ஆழ்ந்துநோக்கி!

விதையை விருட்ஷமாக்கும் மந்திரவாதி யாரோ,

அவனேதான் இறையென எவரும் போற்றுகிறார்.

அவனைவிடவும் வித்தை கற்றோர் யாருமில்லை!

அவனைவிட வித்தைசெய்ய நமக்கோர் அருகதையுமில்லை!

விளக்கம்:

உண்மையான இறை அறிந்தவர்களை கிண்டலும் கேலியும் செய்ய இந்த உலகம் தயங்குவதில்லை. நீ இறை உணர்ந்தவன் என்றால், மந்திரத்தால் மாங்காய் விளைவிப்பாயா? என்று கேட்பார்கள். ஏற்கனவே இறையின் மந்திரவித்தையால் தானே, விதையொன்று விருட்ஷமாகிறது! இதில் இறை உணர்ந்தவன் வேறு தனியாக செய்ய வேண்டுமா? அதும் ஏதோ ஒரு உண்மை புரியாத மனிதன் கேட்பதற்காக விளைவிக்க வேண்டுமா? தேவையில்லை.

அப்படியான வித்தை செய்து காண்பிப்பவர் ஒரு போலி ஞானியாகவும், போலி குருவாகவும், போலி சாமியாராகவுமே இருப்பார் என்பதும் உண்மை.

ஆனால் உண்மை உணர்ந்தவர் இந்த கிண்டலையும் கேலியையும் பொருட்படுத்தமாட்டார். கேட்ட அந்த நபருக்கு உண்மை விளக்கம் அளித்து அவருக்கு புரியவைப்பார். இந்த உண்மையைத்தான் இக்கவிதை நமக்கு உணர்த்துகிறது

வாழ்க வளமுடன்

------

Thanks to photos: Google search, copyrights to it's owners